Saman gegn sóun

Saman gegn sóun er almenn stefna umhverfis- og auðlindaráðherra um úrgangsforvarnir sem gildir frá árinu 2016 til 2027.

Umhverfisstofnun fer með umsjón með Saman gegn sóun. 

Í samræmi við hugmyndafræði hringrásarhagkerfisins er sett í forgang að draga úr myndun úrgangs og stuðla þannig að minni eftirspurn eftir náttúruauðlindum. Í stefnunni er lögð áhersla á nægjusemi, betri nýtni og minni sóun ásamt því að auka fræðslu til að koma í veg fyrir myndun úrgangs.

Markmið stefnunnar Saman gegn sóun eru:

  • að minnka dreifingu á efnum sem eru skaðleg heilsu og umhverfi
  • að draga úr losun gróðurhúsalofttegunda
  • að bæta nýtingu auðlinda, m.a. með áherslu á græna nýsköpun
  • að draga úr hráefnisnotkun samhliða minni umhverfisáhrifum
  • að draga úr myndun úrgangs 

Meira um Saman gegn sóun